Gürcüstan, Tbilisi, 16 dekabr/ Trend , müxbir N.Kirtsxaliya/ 2008 - ci ilin sentyabr -noyabrında xaricdən pul köçürmələrinin artım tendensiyası, az templə də olsa, bərpa olunub. Bu barədə Gürcüstan Milli Bankından məlumat verilib. Noyabrda pul köçürmələri həcmi 91,4 mln. dollar təşkil edib ki, bu da ötən ilin analoji dövr göstəricisindən 6,7 faiz çoxdur.
Gürcüstana pul köçürmələrinin 92,4 faizi səkkiz iri donor ölkəsinin payına düşür. Onların köçürmə həcmi bir mln. dollardan çoxdur.
Noyabrdja Gürcüstandan xaricə 6,2 mln. dollar köçürülüb, yəni 2007-ci ilin müvafiq ayı ilə müqayisədə iki dəfə az. Gürcüstandan Rusiya və Ukraynaya pulköçürmə həcmi əhəmiyyətli dərəcədə azalıb, müvafiq olaraq, 3,8 mln. dollar və 1,2 mln. dollar.
Noyabrda Gürcüstana pul köçürmə aparılan beynəlxalq pul köçürmə sistemləri arasında Western Union - 19,2 faiz, Contact - 28 faiz, Unistream - 13 faiz, "Təcili poçta" - 5,55 faiz, Money Gram - 5,3 faiz, Intel Express - 4,7 faiz - liderlik edib.
Gürcüstandan pul köçürülməsi zamanı ən çox bu şirkətlərin xidmətlərindən istifadə olunub: Western Union - 48,6 faiz, Anelik - 17,3 faiz, "Təcili poçt" - 10,8 faiz, Intel Express - 7,1 faiz, Unistream - 6,4 faiz.
Məqalə müəllifi ilə əlaqə ünvanı- [email protected]
