Azərbaycan, Bakı, 17 dekabr/ Trend , müxbir Ü.İsmayılova/ MBASK Sığorta Şirkətinin (SŞ) səhmdarlarından biri - Avropa Yenidənqurma və İnkişaf Bankı (AYİB) əlavə kapitallaşma imkanının nəzərdən keçirilməsi üçün, şirkətdən maliyyə fəaliyyətinin təhlilini istəyib, - MBASK Sığorta Şirkəti İdarə Heyətinin sədri Cəmil Məlikov çərşənbə günü bildirib.
"Biz artıq ölkənin sığorta bazarının təhlilini aparmışıq və indi mütəxəssislərlə məsləhətləşmələr aparırıq", - Məlikov qeyd edib.
Onun sözlərinə görə, şirkətin Nizamnamə kapitalını hazırki 2 mln. manatdan 5 mln. manatadək artırmaq planlaşdırılır.
"Gələn ildən MBASK-ın Nizamnamə kapitalı artırılacaq", - Məlikov deyib.
2005-ci ilin yanvarından MBASK-ın səhmlərinin 30 faizi Avropa Yenidənqurma və İnkişaf Bankına məxsusdur.
Dekabrın 17-nə olan cari mübadilə məzənnəsi -- 0,802 AZN/USD.
Müəlliflə əlaqə saxlamaq üçün elektron ünvan:[email protected]