...

Azərbaycanda əsas kapitala sərmayə yatırımları il ərzində təxminən 40 faiz artıb

Biznes və iqtisadiyyat xəbərləri Materials 17 Dekabr 2008 21:12 (UTC +04:00)

Azərbaycan, Bakı, 17 dekabr/ Trend , müxbir N.İsmayılova/ 2008 - ci ilin 11 ayı ərzində müəssisələr və təşkilatlar tərəfindən bütün maliyyə mənbələrindən ölkənin iqtisadi və sosial sahələrinin inkişafına 7957,5 mln. manat yatırılıb ki, bu da ötən ilin analoji dövrü ərzində əsas kapitala sərmayə yatırımlarını 38,8 faiz qabaqlayır.

Dövlət Statistika Komitəsindən çərşənbə günü bildiriblər ki, özəl mülkiyyətdə olan müəssisələr və təşkilatlar əsas kapitala 3133,9 mln. manat (bütün sərmayələrin 39,4 faizi), dövlət təşkilatları isə - 4823,6 mln. manat (60,6 faiz) yatırıblar.

Təmir-tikinti işlərinə yatırılan sərmayələrin həcmi 56,2 faiz artaraq 4879,2 mln. manat təşkil edib. İstehsal yönlü obyektlərin tikintisinə 5912,9 mln. manat sərmayə istifadə edilib, qeyri-istehsal obyektlərinə 2044,6 mln. manat yatırılıb.

Xüsusi çəkisi 25,7 faiz olan xarici sərmayələr 2046 mln. manat təşkil edib. Müvafiq olaraq, sərmayələrin ümumi həcmindən 74,3 faiz (5296,3 mln. manat) daxili sərmayələrin payına düşüb. Onların həcmi ötən ilin yanvar-noyabrı ilə müqayisədə 74,6 faiz artıb, xarici sərmayələr 12,8 azalıb. Daxili sərmayələrin böyük hissəsi (79 faiz) dövlət müəssisə və təşkilatlarına və yalnız 21 faiz özəl qurumlara yatrılıb.

Əsas kapitala yatırılan vəsaitlərin 32,3 faizi (2572,3 mln. manat) ölkənin neft sektorunun inkişafına, 67,7 faiz isə (5385,2 mln. manat) qeyri-neft sektorunun inkişafına yönəldilib. Qeyri - neft sektoruna sərmayələr ötən ilin analoji dövrü ilə müqayisədə 89,2 faiz artıb.

Sərmayələrin 45,1 faizi sənaye sahələri; 3,9 faizi - kənd təsərrüfatı; ,1 faiz - ticarət və xidmətlər; 21,9 faiz - nəqliyyat; ; 1,9 faiz - rabitə; 7 faiz - mənzil tikintisi; 2,7 faiz - səhiyyə; 3,4 faiz təhsil; 13 faiz digər sahələrin payına düşür.

Maliyyələşdirilməsi büdcə vəsaitləri hesabına həyata keçirilən obyektlərin tikintisinə 3039,3 mln. manat və ya 2008 -ci il dövlət büdcəsində kapital yatırımları üçün təsdiq edilən vəsaitin 70,3 faizi yatırılıb. İstifadə edilmiş vəsaitlərin 3/4-dən çoxu təmir-tikinti işlərinə yönəldilib.

Müəssisə və təşkilatların hesabına əsas kapitala 3740,8 mln. manat (sərmayələrin ümumi həcminin 47 faizi), bank kreditləri hesabına - 258,3 mln. manat (3,3 faiz), büdcə vəsaitləri - 3185,7 mln. manat (40 faiz), büdcədənkənar fondlar - 543,8 mln. manat (6,8 faiz), əhalinin şəxsi vəsaitləri - 224,5 mln. manat (2,8 faiz), digər vəsaitlər hesabına isə 4,4 mln. manat (0,1 faiz) yatırılıb.

Dekabrın 17-nə olan cari mübadilə məzənnəsi 0,802 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti