Azərbaycan, Bakı, 22 dekabr/ Trend / 11 ay ərzində Azərbaycanın UniBank-ı ümumilikdə 25 mln. manat həcmində pul köçürmələri həyata keçirib, - bankın bazar ertəsi yayılan məlumatında deyilir.
"Bu müddət ərzində bankımızda fəaliyyət göstərən pul köçürmələri sistemləri vasitəsilə ölkə hüdudları xaricinə 2 mln. dollar göndərilib, 23 mln. dollar alınıb", - Unibank-ın qeyri-kredit pərakəndə məhsullar üzrə meneceri Rəşad Mayılov qeyd edib.
Beləliklə, 2008 - ci ilin 11 ayı üçün bankın pul köçürmələri üzrə dövriyyəsi 2007-ci ilin eyni dövrünün analoji göstəricisini 66,7 faiz ötüb.
Ötən ilin yanvar - noyabrında ümumilikdə 15 mln. dollar məbləğində pul köçürmələri göndərilib və qəbul edilib.
"Ümumiyyətlə, cari ilin sonuna kimi biz pul köçürmələri üzrə dövriyyəni 30 mln. dollara çatdırmağı planlaşdırırıq, - Mayılov bildirib. - Halbuki bütün 2007-ci il ərzində 17 mln. dollar göndərilmiş və alınmışdı".
İlin yekunlarına görə, Unibank pul köçürmələri üzrə əməliyyatlardan 350-370 min dollar səviyyəsində gəlirin əldə olunmasını gözləyir, halbuki bütün ötən il üçün bu göstərici 180 min dollar təşkil edib.
Hazırda bankda altı pul köçürmə sistemi fəaliyyət göstərir - Western Union, CONTACT, Migom. Faster, XPmoney və "Bıstraya Poçta". Bank Migom sisteminə cari ilin ortalarında qoşulsa da, bu sistem üzrə dövriyyə artıq 1 mln. dollara yaxınlaşır.
Müəlliflə əlaqə saxlamaq üçün elektron ünvan: [email protected]