Azərbaycan, Bakı, 24 dekabr/ Trend , müxbir E.İsmayılov/ Azərbaycan Dövlət Dəmir Yolu (ADDY) çərşənbə axşamı Gürcüstandan Azərbaycana gedən vaqonlarının relsdən çıxması nəticəsində Tovuz rayonu ərazisində zədələnmiş kiçik dəmir yolu sahəsini bərpa edib, - ADDY-dən işlərə yaxın mənbə çərşənbə günü bildirib.
Onun sözlərinə görə, "zədələnmiş yol sahəsi artıq təmir edilib, baş verən hadisə qatarların hərəkətinə təsir göstərməyib".
Çərşənbə axşamı Gəncə və Sumqayıta gedən boksitlə yüklənmiş dörd vaqon (səkkizindən) relsdən çıxıb. Vaqonlar "Gürcüstan Dəmir Yolu" MMC-yə məxsus olub. Vaqonlar relslərdən çıxması ilə məhsul itkisi olmayıb.
Hazırda ADDY-nin hərəkət təhlükəsizliyi üzrə xüsusi texniki müfəttişlik komissiyası baş verən hadisənin səbəblərini araşdırır. Bütün variantlar nəzərdən keçirilir. Komissiya on gün ərzində təhqiqata yekun vuracaq, - mənbə deyib.
Müəlliflə əlaqə saxlamaq üçün elektron ünvan: [email protected]
