Azərbaycan, Bakı, 06 yanvar/ T , müxbir Ü.İsmayılova/ Azərbaycanda aprelin 13-dən 22-dək əhalini növbəti siyahıya alma prosesi aparılacaq. Bu barədə çərşənbə axşamı Dövlət Statistika Komitəsindən məlumat verilib.
"Hazırda siyahıya almanın keçirilməsi üzrə hazırlıq işləri başa çatmaq üzrədir", - deyə Komitədən bildiriblər.
Dövlət Komitəsindən bildiriblər ki, builki siyahıya alma əvvəlkilərdən fərqlənəcək. Hər bir vətəndaşa 35 sual veriləcək [əvvəllər- 21]. Onlardan 29-u fərdi və altısı yaşayış şəraiti ilə bağlı olacaq. Sualların 80 faizi BMT-nin tövsiyələri əsasında hazırlanıb.
Sorğu əhalinin coğrafi, demoqrafik, iqtisadi, sosial və yaşayış şəraitinin müəyyənləşdirilməsinə yönəldilib.
Siyahıya alma zamanı əsasən ölkənin daimi sakinləri nəzərə alınacaq. Azərbaycan vətəndaşı iş məqsədilə 12 aydan çox müddətə xaricə gedibsə, o, sorğulananların siyahısına daxil edilməyəcək, əgər 12 ayadək müddətə gedibsə, o, ölkədən müvəqqəti gedən kimi göstəriləcək və siyahıya alınacaq.
Siyahıya almanı hər biri 450 nəfəri sorğulayacaq 19 min əməkdaş aparacaq.
Azərbaycanın əhalisi 8,7 miliyon nəfərdir. Azərbaycanda əhali sonuncu dəfə 1996-cı ildə siyahıya alınıb.
Məqalə müəllifi ilə əlaqə ünvanı - capital