Azərbaycanda tikinti işlərinin həcmi xeyli artıb
Azərbaycan, Bakı, 22 yanvar / Trend / "2008 - ci ildə Azərbaycanda tikinti işlərinin həcmi 3,5 milyard manat təşkil edib ki, bu da 2007-ci ildəki göstəricidən 59,8 faiz çoxdur", - Dövlət Statistika Komitəsinin məlumatında deyilir.
Tikintilərin ümumi həcmində dövlət müəssisələrinin payına 9,5 milyon manat, özəl müəssisələrin payına 2,6 milyard manat düşür.
Tikinti işlərinin ümumi həcminin 2733,4 milyon manatını (76 faiz) yeni tikililər, 509,5 milyon manatını (14,2 faiz) əsaslı təmir, 152,5 milyon manatını (4,2 faiz) cari təmirin aparıldığı tikililər, 202,5 milyon manatını (5,6 faiz) digər tikinti işləri təşkil edir.
