...

Daxili istehsal əhalinin ərzaq mallarına tələbatının 95%-ni təmin edir – Azərbaycan Kənd Təsərrüfatı Nazirliyinin rəhbəri

Biznes və iqtisadiyyat xəbərləri Materials 12 Fevral 2009 12:36

Trend-i buradan izləyin

Azərbaycan, Bakı, 12 fevral/ Trend , müxbir Ü.İsmayılova/ Azərbaycanda ərzaq təhlükəsizliyinin təmin edilməsi üzrə Dövlət Proqramının reallaşdırılması çərçivəsində daxili istehsal hesabına əhalinin ərzaq mallarına olan tələbatının 95 faizi ödənir. Bu barədə Azərbaycanın kənd təsərrüfatı naziri  İsmət Abbasov bildirib. 

"Lakin hökumətin əsas məqsədi daxili istehsal hesabına ölkə əhalisinin ərzaq mallarına olan tələbatının 100 faiz ödənməsindən ibarətdir", - deyə nazir bildirib.

Onun sözlərinə görə, bu vəzifə 2010-cu ilədək yerinə yetiriləcək. Nazir bildirib ki, hazırda idarə kənd təsərrüfatının inkişafı, fermerlər üçün şəraitin yaxşılaşdırılması istiqamətində tədbirlər həyata keçirir.

Nazirin sözlərinə görə, bu tədbirlərə fermerlər üçün kredit və subsidiyaların ayrılması, ölkə bölgələrində xüsusi soyuducu kameraların tikintisi daxildir.

Abbasov bildirib ki, Dövlət Proqramının reallaşdırılması çərçivəsində nazirlik qarşısında duran əsas məsələlərdən biri ölkənin tam olaraq ərzaq taxılı ilə təmin edilməsi olub.

2008-ci ilin payızında ölkədə 2009-cu il üçün taxıl əkini həyata keçirilib, nəticədə ərzaq tələbatnın tam ödənilməsi üçün kifayət edən 1,6 mln. ton həcmində məhsul gözlənilir.

Məqalə müəllifi ilə əlaqə ünvanı -  [email protected]

Xəbər lenti

Xəbər lenti