Qazaxstan, Astana, 24 fevral / Trend , müxbir K.Arınova / Milli Tibbi holdinqin korporativ idarəetmə üzrə rəhbəri Jeksen Calkibayevin Trend -a bildirdiyinə görə, hər il Qazaxıstan vətəndaşları xarici klinikalara 200 milyon dollar sərf edirlər.
"Hər il ölkə xaricinə, əsasən də İsrail Avropa və Amerikaya qazaxıstanlılar müalicə məqsədi ilə 200 milyon dollar pul çıxarırlar", - Calkibayev deyib.
Onun sözlərinə əsasən, indi başlıca məqsəd o pulları daxilə yönəltməkdir.
"Yeri gəlmişkən, 200 milyon dollar dövlətin holdinqə ayırdığı illik büdcəyə bərabərdir. Bu vəsaitin Qazaxıstanda qalması çox vacibdir", - Calkibayev vurğulayıb.
Onun sözlərinə görə, Qazaxıstan rəhbərliyi mövcud vəziyyətdən çıxış yolunu tibb sahəsinə daxildən və xaricdən güclü mütəxəssisləri cəlb etməkdə görür və bu layihə "100 həlledici mütəxəssis adını alıb".
"Bu günə kimi ölkənin istənilən regionlarından holdinqə təcrübəli peşəkar həkimlər dəvət olunsa da, onların sayı yüzə çatmayıb", - Calkibayev deyib.
Calkibayev bildirib ki, bundan əlavə, obyektlərin bir hissəsi xarici şirkətlərə etibarnamə əsasında verilir.
Sonda o, vurğulayıb ki, holdinq təkcə biznes-müştəriləri üçün deyil, əhalinin bütün təbəqələri üçün nəzərdə tutulub. .
Milli Tibbi holdinq 13 may 2008-ci ildə yaradılıb. Layihənin ideya müəllifi Qazaxıstan prezidenti Nursultan Nazarbayevdir. Hal-hazırda holdinq özündə bir sıra obyektləri birləşdirir.
Məqalə müəllifi ilə əlaqə ünvanı: [email protected]
