Türkmənistan, Aşqabad, 26 fevral / Trend , müxbir E.Həsənov /
Türkmənistan KİV-lərinin verdiyi məlumta görə, Özbəkistan və Türkmənistan prezidentləri İslam Kərimov və Qurbanqulu Berdimuhəmmədov azad ticarət haqqında hökumətlərarası saziş imzalanması ilə bağlı razılığa gəliblər.
"Tərəflər arasında azad ticarət haqda sənədin hazırlanması haqda razılıq əldə olunub", - milli telekanal "Altın Asır" özbək liderinin dünən Daşkənddə səfərdə olan Berdimuhəmmədovla görüşdən sonra dediyi sözlərdən sitat gətirib.
"Düşündüklərimizi həyata keçirmək üçün şərait var və biz bu istiqamətdə işləri davam etdirəcəyik", - Kərimov deyib.
"Azad bazarın yaradılma prosesi mərhələli xarakter daşıyacaq", - Kərimov əlavə edib.
Kərimovun fikrincə, tərəflər arasında nəzərəçarpan əsas tərəfdaşlıq faktoru kimi iki ölkə arasında mal dövriyyəsinin 50% artmasını göstərmək olar.
"Dünya maliyə böhranı şəraitində biz razılığa gəldik ki, qarşılıqlı əlaqələri genişləndirərək, türkmən və özbək istehsalçılarının hər iki ölkədə satış bazarlarını təşkil edək", - Özbəkistan prezidenti qeyd edib.
Onun fikrincə, bunun üçün geniş imkanlar mövcuddur və deyilənləri Daşkənddə nümayiş olunan türkmən mallarının sərgisi də sübut edir.
"Bu sərgi türkmən mallarını özbək biznesi və bazarlarına aparan qısa yoldur. Türkmənistan bizim üçün dostdan da artıqdır. İndi dünya çətin günlərini yaşayır və belə şəraitdə region üçün də önəmli olan əlaqələri genişləndirməliyik", - Kərimov vurğulayıb.
Məqalə müəllifi ilə əlaqə ünvanı: [email protected]
