Azərbaycan, Bakı, 28 fevral / Trend , müxbir Ü.İsmayılova / Yanvarda kommersiya obyektləri bazarında qiymətlər 1,9 faiz, qeyri-yaşayış obyektlərinin kirayə bazarında isə 2,3 faiz azalıb. Bu barədə şənbə günü "Əmlak bazarı iştirakçıları" İctimai Birliyindən məlumat verilib. Qiymətlər ötən rübə nisbətdə 5,8 faiz azalıb, 2008-ci ilin analoji dövr göstəricisinə nisbətdə isə doqquz faiz artıb.
"Kommersiya obyektinin bir kvadrat metrinin orta qiyməti yanvarda 3,35 min dollar təşkil edib. Bu göstərici 2008-ci ilin dekabrında 3,41 min dollara bərabər olub", - deyə təşkilatdan bildiriblər.
Şəhərin zonaları üzrə qiymət dəyişikliklərini göstərən ümumi cədvəl:
Şəhərin zonaları |
Yanvarda orta qiymət |
Qiymət dəyişiklikləri, faizlə |
I zona |
5204 |
-2,2 |
II zona |
3711 |
-2,3 |
III zona |
2587 |
- 1 |
IV zona |
1021 |
- 3 |
Orta qiymətdən aşağı bazara təklif olunmuş mənzillərin payı 61,3 faiz təşkil edib.
Yanvarda bazara təklif olunan obyektlərin sayı 4,1 faiz azalıb, obyektlərin alqı-satqısı üzrə əməliyyatların sayı isə 3,4 faiz artıb.
Məqalə müəllifi ilə əlaqə ünvanı: [email protected]