Azərbaycan, Bakı, 31 mart / Trend , müxbir S.Babayeva /
Naxçıvan Muxtar Respublikasının (NMR) Bakıdakı daimi nümayəndəliyində bildiriblər ki, 2009-cu ilin yanvar-fevral ayları ərzində NMR-də ÜDM ötən illə müqayisədə 22,2% artaraq 95,15 mln. manat təşkil edib.
ÜDM-in 42,9 %-i və yaxud 41 mln. manatı istehsalatın payına düşüb. Xidmət sahəsində əlavə qiymətləndirmə istehsalı xüsusi çəkisi 51,1% olmaqla 49,5 mln. manat təşkil edib. Məhsullardan və idxaldan gələn təmiz vergi ÜDM-in 5%-ni və yaxud 4,7 mln. manat təşkil edib.
İlin əvvəlindən etibarən sənaye sahəsi ÜDM-in 17,8 % (23,8 mln. manat), kənd təsərrüfatı 5,3 % (5 mln. manat), tikinti sahəsi 12,6 % (12 mln. manat), rabitə sahəsi 3,3 % (3,1 mln. manat), nəqliyyat sahəsi 4% (3,7 mln. manat), topdan və pərakəndə satış, eləcə də avtomobil və müxtəlif məişət əşyaları təmiri 24,8 %-ni (23,5 mln. manat) təşkil edib.
Məqalə müəllifi ilə əlaqə ünvanı: [email protected]
