Azərbaycan, Bakı, 18 aprel / Trend , müxbir N.İsmayılova/ Azərbaycan "Kapital bank"ının xarici banklar qarşısındakı minimal öhtəlikləri əhalinin əmanətlərinin qorunduğunu sübut edir. Bu haqda bankın idarə heyyətinin sədri Rauf Rzayev "Banklar və Biznes" jurnalına müsahibə zamanı deyib.
"Kapital bank-da vətəndaşların vəsaitləri etibarlı qorunur. Buna sübut Kapital bank-ın respublikanın iri sistem yaradan bankı olmasıdır və biz yüksək imicin saxlanılmasında maraqlıyıq", - Rzayev deyib.
Digər tərəfdən Kapital bank gəlir gətirən strukturdur. Ötən il bankın gəlirləri 2007-ci illə müqahisədə 63% artıb. Qara dəniz ticarət və inkişaf bankından 12 milyonluq transaksiyanı çıxmaq şərtilə hazırda bankın xarici banklara borcu yoxdur.
Bank bu vəsaiti şəxsi ipoteka kreditləşməsi proqramının inkişafı üçün 6 il müdətinə alıb və məbləq 11 bərabər hissələrlə qaytarılacaq.
Dövlət də həmçinin Kapital bank vasitəsi ilə sosial xarakterli proqramlar həyata kçirir: sosial ödənişlər, təqaüdlər və müavinətlər. Bank həmçinin iri iqtisadi layihələrin kreditləşməsində iştirak edir və bunun nəticəsində ölkədə yeni iş yerləri açıır.
Mərkəzi bankın tələbinin 30%-ə bərabər olmasına baxmayaraq son illər ərzində bank likvidliyi 60-70% səviyyəsində saxlayırdı. Bununla yanaşı son illər ərzində Kapital bank şəxsi kapitalını əhəmiyyətli dərəcədə artırıb. 2004-cü ildə bankın şəxsi kapitalı cəmi 8 milyon manat təşkil edirdisə, hazırda bu məbləq 78 milyon manata bərabərdir.
Aprelin 18-nə olan rəsmi məzənnə 0,8032 AZN/USD təşkil edir.
Məqalə müəllifi ilə əlaqə ünvanı: [email protected]
