Azərbaycan, Bakı, 21 aprel / Trend , müxbir N.İsmayılova /
Azərbaycan bankı Mugan Bank kredit siyasətinə dərəcələri azaltmaq istiqamətində dəyişiklik etməyə hazırlaşmır. Bu barədə bankın Müşahidə Şurasının üzvü Şaiq Ələkbərov deyib.
"Bu gün bank kreditləri maliyyələşdirmək üçün yetərincə resursa malikdir. Bankda risklərə nəzarət gücləndirilsə də, özəl və kommersiya sektorunun maliyyələşməsi davam etdirilir", - Ələkbərov deyib.
Ələkbərovun sözlərinə əsasən, bank kreditlərin faiz dərəcələrini artırıb. Bank tərəfindən kreditlərin orta dərəcəsi 22-24% arasında cərəyan edir.
İlin əvvəlinə bankın müştərək kapitalı 14,9 milyon manat təşkil edib. Bankın kredit portfeli 66 milyon manata çatıb. 2008-ci ilin nəticələrinə əsasən, bankın gəlirləri 14,3 milyon manat, təmiz gəliri isə 1,2 milyon manat təşkil edib.
Apreli 21-nə olan rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected]
