Azərbaycan, Bakı, 19 may / Trend , müxbir Ü.İsmayılova /
Azərbaycanda iki yeni turizm şirkəti yaradılıb. "Cinar turizm" QSC şirkəti aprelin 16-da qeydiyyata alınıb. Bu barədə Azərbaycan Vergilər Nazirliyi saytının "vahid pəncərə" bölməsində məlumat verilir.
Şirkətin nizamnamə kapitalı 10 manatdır. Cinar turizm-in təsisçisi Azər İsgəndərovdur.
Ötən ay Vergilər Nazirliyində "Drakon turizm" QSC turizm şirkəti də qeydiyyata alınıb. Şirkətin təsisçisi Cahangir Məhmudovdur.
Şirkətin nizamnamə kapitalı 20 manatdır.
Azərbaycanın Mədəniyyət və Turizm Nazirliyinin məlumatına görə, ölkədə ümumilikdə 201 turizm şirkəti qeydiyyatdan keçib.
Azərbaycanda yaxın xaricə səyahət biletinin orta qiyməti 2,5 min manat, uzaq xaricə isə yeddi min manatdır.
Mayın 19-na olan rəsmi məzənnə 0,8037 AZN/USD təşkil edir.
Məqalə müəllifi ilə əlaqə ünvanı: [email protected]
