Azərbaycan, Bakı, 20 may / Trend , müxbir İ.Xəlilova /
Azərbaycan Mərkəzi Bankı (AMB) ölkənin valyuta bazarının stabil olduğu və milli valyutanın devalvasiyası elementlərinin sezilmədiyi qənaətindədir. Bu barədə çərşənbə günü AMB-nin baş direktoru səlahiyyətlərini icra edən Xaqani Abdullayev deyib.
"2009-cu ilin ilk iki ayında qonşu ölkələrdə milli valyutaların devalvasiyası müşahidə edildi. Lakin araşdırmalarımız göstərdi ki, Azərbaycanın ödəniş balansı normal səviyyədədir və hazırkı maliyyə balansının profisitinin iki dəfə azalmasına baxmayaraq bu profisit kapitalın hesab kəsirini tamamilə bağlayır", - Abdullayev qeyd edib.
Onun sözlərinə əsasən, ödəniş balansının balanslaşdırıldığı şəraitdə "manatın kursunun korreksiyasına ehtiyac görmürük". AMB tərəfindən aparılan araşdırmalar göstərdi ki, məzənnənin dəyişdirilməsinin mənfi tərəfləri müsbət tərəfindən çoxdur.
"Bu səbəbdən məzənnə siyasətinin gələcəkdə də sabit rejimdə davam etdirilməsinin tərəfdarıyıq", - Abdullayev deyib.
"Təhlillər göstərdi ki, valyuta satışı ödəniş balansına təsir etmir və əksinə olaraq nağd pulun dollarlaşmasına gətirir ki, bu da qonşu ölkələrdə baş vermiş devalvasiyanın psixoloji təsiri ilə əlaqədardır", - Abdullayev bildirib.
Maydan etibarən AMB valyuta alışına başlayıb və bu, valyuta ehtiyatlarını bərpa edəcək. Baş direktorun sözlərinə əsasən, araşdırmaların nəticələrinə görə, neftin qiyməti bir barel üçün 50 dollar olmaqla 2009-cu ildə ölkənin ödəniş balansının profisiti 5 milyard dollar təşkil edəcək. Hazırda neftin qiyməti isə 60 dollara yaxınlaşır ki, bu da profisitin daha da artmasına səbəb olacaq.
"Məzənnənin profisitinin artmaqda davam edən ödəniş balansının fundamental faktoru olduğunu nəzərə alsaq milli valyuta məzənnəsinin korreksiyası üçün əsas görmürük", - Abdullayev vurğulayıb.
Məqalə müəllifi ilə əlaqə ünvanı: [email protected]
