Azərbaycan, Bakı, 26 may / Trend , müxbir N.İsmayılova /
Beynəlxalq Maliyyə Korporasiysı (IFC) Azərbaycanda korporativ idarəetmənin müasir standartlarının tətbiq edilməsi çərçivəsində ikinci pilot kampaniyasını elan edəcək. Bu barədə çərşənbə axşamı IFC layihəsinin rəhbəri Karolina Brayt deyib.
"Maliyyə korporasiysı layihənin bir çox sahələri əhatə etməsində maraqlıdır: bank, sığorta və s.", - Brayt qeyd edib.
Layihənin ikinci mərhələsi üçün seçilən ilk təşkilat qeyri-bank setorundan olan "CredAgro" oldu.
ACGP-in ikinci mərhələsinin üstünlüyü ondadır ki, əvvəllər üstünlük bank sahəsinə verilirdisə, indi sığorta şirkətləri və mikromaliyyə təşkilatları da cəlb edilir.
Layihənin məqsədi korporativ idarəetmə təcrübəsinin səhmdar cəmiyyətlərdə mənimsənilməsi, o cümlədən kommersiya banklarında. Pilot təşkilatların investisiya potensialına uyğun şəkildə seçilməsidir.
Seçilmiş bank və şirkətlər onların korporativ idarəetmə təcrübəsini qiymətləndirən geniş proqramda iştirak eldə bilərlər. Bundan başqa korporativ sənədlərin təcrübədən keçmiş ən mükəmməl qaydalara uyğunlaşdırılmasına yardım ediləcək.
Pilot layihənin birinci mərhələsindən fərqli olaraq ikinci mərhələ pullu olacaq. Ödəniş işin həcmindən asılı olacaq. Belə bir dəyişikliyə ACGP proqramında şirkət və bankların iştirakının düzgünlüyünü təmin etməkdən ötrü əl atılıb.
Layihənin ikinci mərhələsinin maliyyə işlərini İsveçrənin iqtisadi əlaqələr üzrə Dövlət katibliyi (SECO) üzərinə götürüb və layihənin reallaşmasına 4 milyon dollar vəsait ayırıb.
Kolrporativ idarəetmə layihəsi İqtisadi Əməkdaşlıq və İnkişaf Təşkilatının (OECD) normalarına uyğun olaraq korporativ idarəetmə standartlarının tətbiqinə yardım edir.
Layihənin birinci fazasının rəsmi açılışı 2005-ci il yanvarın 26-da baş tutub. Onun reallaşması 3 ilə nəzərdə tutulmuşdu.
Məqalə müəllifi ilə əlaqə ünvanı: [email protected]
