Gürcüstan, Tbilisi, 02 iyun / Trend , müxbir N.Kirtsxaliya /
Azərbaycanın qeyri-bank kredit təşkilatı TBC Credit müştərilərin müdafiəsi üzrə beynəlxalq kampaniyaya qoşulub. Təşkilatın məlumatında qeyd olunur ki, kampaniya maliyyə xidmətlərinə çıxışın genişləndirilməsi mərkəzi (The Center for Financial Inclusion) tərəfindən həyata keçirilir.
"Müştərilərin müdafiəsi üzrə kampaniya bütün dünyadakı maliyyə institutlarının koalisiyası tərəfindən 2009-cu ildə, aşağı səviyyədə gəlirə malik müştəriləri sərfəli olmayan maliyyə xidmətlərindən müdafiə etmək və onlara loyal xidməti təmin etmək məqsədi ilə başlanıb", - məlumatda deyilir.
Kampaniya özündə müştərilərin müdafiəsi üzrə altı prinsipi ehtiva edir: həddindən artıq borclanmanın qarşısını almaq, şəffaf və obyektiv qiymətəmələgəlmə, borclanmanın loyal yığım sistemi, etik münasibət, şikayətlərin aradan qaldırılması üzrə qaydaya salınmış mexanizm və müştərilərin məlumatlarının konfidensiallığı.
TBC Credit 2007-ci ilin sonunda Gürcüstanın TBC bankı tərəfindən alınıb (75 faiz pay). 25 faiz pay Amerikanın Shorebank-ına məxsusdur.
Məqalə müəllifi ilə əlaqə ünvanı: [email protected]
