Azərbaycan, Bakı, 09 iyun / Trend , müxbir N.ismayılova /
Bank Standard 2009-cu ildə nizamnamə kapitalını artırmayacaq, bu barədə çərşənbə günü bankın idarə heyəti sədrinin birinci müavini Cavid Quliyev bildirib.
"Kapitallaşdırma barədə heç bir plan yoxdur, bankın kapitalı cari il ərzində əməliyyatların davam etdirilməsi üçün kifayətdir", - deyə Quliyev bildirib.
Onun sözlərinə əsasən, hazırda Bank Standard-ın ödəmə kapitalı 65 milyon, ümumi kapitalı isə 80 milyon manat təşkil edir.
Bank Standard-ın nizamnamə kapitalının əvvəlki artırılması 2008-ci ildə baş verib. Kapitalın üç dəfə artırılması bankın səhmdarı (AB Standard QSC) və Credit Suisse arasında bağlanmış xüsusi kerdit müqaviləsi hesabına baş verib.
Məqalə müəllifi ilə əlaqə ünvanı: [email protected]
