Azərbaycan, Bakı, 12 iyun / Trend , müxbir C.Babayeva /
Azərbaycan Kənd Təsərrüfatı Nazirliyi yanında Dövlət Baytarlıq Xidməti 76 növ keyfiyyətsiz dərman preparatını məhv edib, dövlət xidmətindən bildiriblər.
"Onlar Mingəçevir, Astara, Lənkəran, Masallı, Şəmkir, Göygöl, Ağdaş, Göyçay, Ucar, Bərdə, Yevlax, Səbirabad, Biləsuvar, Cəlilabad və Salyan şəhərlərinin baytarlıq apteklərində monitorinqlər zamanı aşkar olunub", - dövlət xidmətindən bildiriblər.
Preparatlar satışdan çıxarılıb və Dövlət Baytarlıq Xidmətinin laboratoriyalarında məhv edilib.
Məhv edilmiş preparatlar əsasən İranın, qismən Rusiyanın, Hindistanın, Hollandiyanın, İordaniya və Türkiyənin istehsalı olan məhsullardır.
Dövlət xidməti, həmçinin Azərbaycanın digər regionlarında da anoloji monitorinqlər aparacaq.
Məqalə müəllifi ilə əlaqə ünvanı: [email protected]