Azərbaycan, Bakı, 19 iyun / Trend , müxbir N.İsmayılova /
Azərbaycan Françayzinq Assosiasiyası (AFA) cari ilin sonuna kimi Avropa Françayzinq Federasiyası və Beynəlxalq Françayzinq Şurasına daxil olmağı planlaşdırır. Bu barədə cümə günü assosiasiya sədri Elşən Musayev bildirib.
"İki il ərzində biz yunan, baltik və türk françayzinq assosiasiyaları ilə müqavilələr imzalamışıq və bu ilin sonuna kimi bizim əsas məqsədimiz Avropa Françayzinq Federasiyası və Beynəlxalq Françayzinq Şurasına daxil olmaqdır", - deyə Musayev bildirib.
Onun sözlərinə əsasən, bundan sonra assosiasiya Azərbaycanın daxili bazarında françayzinq şirkətinin yaradılması ilə məşğul olacaq.
"Bizə françayzinq konsepsiyasının tətbiq edilməsini istəyən bir çox Azərbaycan şirkətləri müraciət edib və mən hesab edirəm ki, bu, yaxın vaxtlarda həyata keçiriləcək", - deyə o bildirib.
Musayevin sözlərinə əsasən, Azərbaycandakı restoranların françayzinq şəbəkəsi yaratmaq və Avropa bazarına inteqrasiya etmək kimi şansları var, misal kimi o, büdcə vəsatilərini əhəmiyətli dərəcədə artıran İtaliya restoranlarını göstərib.
AFA 2007-ci ildə fəalliyyətə başlayıb, onun əsas məqsədi ölkədə Azərbaycanda françayzinq şirkətinin yaradılmasıdır.
Azərbaycanda françayzinq şirkətinin yaradılması onların ölkə regionlarına və digər ölkələrə inteqrasiyasına yardım göstərəcək, bunun nəıticəsində də ölkəyə pul vəsaitləri cəlb olunacaq.
Məqalə müəllifi ilə əlaqə ünvanı: [email protected]