Gürcüstan, Tbilisi, 14 iyul / Trend , müxbir N.Kirsxaliya /
Avropa Komissiyası missiyasının Gürcüstandakı rəhbəri Per Eklund çərşənbə axşamı Gürcüstanın üzərinə götürdüyü beynəlxalq öhdəlikləri yerinə yetirmədiyi barədə yayılan məlumatları təkzib edib.
"Bəzi ekspertlər bildiriblər ki, Avropa İttifaqı Gürcüstana edilən yardımları Tbilisinin üzərinə götürdüyü öhdəlikləri yerinə yetirmədiyi üçün azaldıb. Bu doğru deyil", - Eklund deyib.
Per Eklund Avropa İttifaqının Gürcüstana 500 milyon dollarlıq donar yardımı tam həcmdə verə bilməyəcəyini təsdiq edib, baxmayaraq ki, sözügedən məbləğin 2009-cu ildə ayrılması ötən il donor konfransında qəbul edilib. "Bu. Aİ-dəki daxili problem və yenidənqurma ilə əlaqədardır, Gürcüstanın öhdəlikləri yerinə yetirib-yetiməməsi ilə bağlı deyil. Əslində isə Gürcüstan götürdüyü öhdəlikləri yerinə yetirir", - Aİ missiyasının rəhbəri qeyd edib.
Aİ tərəfindən Gürcüstanın maliyyələşdirilməsi tam həcmdə 2010-cu ildə bərpa ediləcək.
Məqalə müəllifi ilə əlaqə ünvanı: [email protected]
