Azərbaycan, Bakı, 22 iyul / Trend , müxbir N.İsmayılova /
Azərbaycan bankı Azərdəmiryolbank 2009-cu ilin birinci yarımili ərzində 173,89 min manat məbləğində müqavilə imzalayıb ki, bunun da 147,5 min manatı maliyyələşdirilib. Bu barədə çərşənbə günü bankdan bildirilib.
Bankın ümumi lizinq portfeli 2009-cu ilin birinci yarımilinin yekunlarına əsasən 3,23 milyon manat təşkil edib. İyulun 1-də qüvvədə olan 36 müqavilə mövcuddur.
Verilən lizinq kreditinin maksimum məbləği 50 min manat təşkil edir. Ödəmələrin ölçüsü 20-50 faiz arasında dəyişir. İlkin ödəmələrdən asılı olaraq illik faiz 21,22 və 23 faiz təşkil edir. Lizinq dördillik müddətə verilir.
Bankın lizinq şöbəsi 2007-ci ilin may ayında fəaliyyətə başlayıb. Hazırda lizinq bankın 10 filialında (Bakıxanov, Lənkəran, ÜİM, Qazax, Xətai, İçəri şəhər, Nərimanov, Nəsimi, Gəncə 2, Mərkəz) verilir.
Bank sənaye, ticarət, tibbi avadanlıq və texnika, həmçinin avtolizinq həyata keçirir.
Ölkənin ilk kommresiya banklarından biri olan Azərdəmiryolbank 1989-cu ildə təsis edilib. Səhmdarları arasında Avropa Yenidənqurma və İnkişaf Bankı və Niderland Maliyyə İnkişaf Şirkəti (FMO) yer alır. Paytaxt Bakıda və regionlarda bankın 32 filialı və şöbələri fəaliyyət göstərir.
Məqalə müəllifi əlaqə ünvanı: [email protected]