Azərbaycan, Bakı, 05 avqust / Trend , müxbir N. İsmayılova /
Azərbaycan bankı Bank Standard-ın xalis gəliri ilk yarımilin yekunlarına görə, 8,58 milyon manta təşkil edib ki, bu da keçən ilin müvafiq dövründəki göstəricini 8,7 faiz üstələyir. Bu barədə bankdan verilən məlumatda deyilib.
İlin birinci yarısının yekununa görə, bankın mədaxili 39,71 milyon manat təşkil edib. Ötən il iyulun 1-nə olan göstəriciyə görə, bu rəqəm 57,95 milyon manat olub.
Bankın aktivləri hesabat dövrü ərzində 26,5 faiz azalaraq 523,7 milyon manat təşkil edib.
Bankın kredit portfeli il ərzində 18,4 faiz azalaraq 358,37 milyon manat təşkil edir. Keçən ilin birinci yarısının yekununa görə, bu rəqəm 439,12 milyon manta olub. Ümumi portfeldən istehlak kreditlərinə 64,18 milyon manat, avtokreditlərə 40,76 milyon manta, ipoteka kreditlərinə isə 12,91 milyon manat verilib.
Bankın depozit portfeli hesabat dövrü ərzində 42,8 faiz azalaraq 231,59 milyon manat təşkil edib. Bunun 103,17 milyon manatı fiziki şəxslərin uzunmüddətli əmanəti, 21,01 milyon manatı isə hüquqi şəxslərin uzunmüddətli depozitləridir. İyulun 1-nə bankın ümumi öhdəçiliyi 410,44 milyon manat təşkil edib. Keçən ilin analoji dövründə bu göstərici 605,34 milyon manat olub.
Bankın müştərək kapitalı iyulun 1-nə 85,19 milyon manat, nizamnamə kapitalı isə 64,56 milyon manat təşkil edib.
İyulun 1-nə bankın fəal plastik kartlarının sayı 24 770 ədəd, bankomatları 21, POS-terminalları 445, filalları isə 17-dir. Bankın ümumilikdə 93 639 müştərisi var. Bunlardan 5 016-sı hüquqi, 88 623-ü isə fiziki şəxslərdir.
Avqustun 5-nə olan rəsmi məzənnə 0,8042 AZN/USD təşkil edir.
Məqalə müəllifi ilə əlaqə ünvanı: [email protected]
