Azərbaycan, Bakı, 17 avqust / Trend /
Azərbaycana yanvar-iyun aylarında 832,2 min ton sement və sement klinkeri idxal olunub. Bu da 2008-ci ilin analoji dövründəkindən 22 faiz azdır. Bu barədə Dövlət Statistika Komitəsindən məlumat verilib. İlin birinci yarısında ölkəyə gətirilən sement və sement klinkerinin dəyəri 31 milyon dollar olub ki, bu da ötən ilin müvafiq dövründəkindən 15,8 faiz azdır.
Yanvar-iyunda sement klinkeri 369,4 min ton həcmində idxal olunub ki, bu da keçənilki göstəricidən 20,4 faiz azdır. Klinker təxminən 12 milyon dollar məbləğində idxal olunub. Bu da ötənilkindən 17,6 faiz aşağı göstəricidir.
İlin birinci yarısı ərzində ölkəyə 462,8 min ton sement idxal olunub ki, bu da 2008-ci ilin yanvar-iyunundakı göstəricidən 23,2 faiz aşağıdır. Bu dövrdə 19,4 milyon dollar məbləğində sement gətirilib. Bu da ötənildəkindən 14,6 faiz azdır.
