Azərbaycan, Bakı, 28 avqust / Trend , müxbir İ.Xəlilova /
"Azərbaycanda 2009-cu ildən fəaliyyət göstərən Kredit Təminat Fondu (KTF) xarici borclar üzrə təminat əldə edə biləcək yerli banklar arasında ilkin seçimi başa çatdırıb", - cümə günü Almaniya-Azərbaycan Fondunun (KTF onun vasitəsilə işləyəcək) texniki menecer Andreas Franke deyib.
"Almaniyanın İnkişaf Bankı KfW tərəfindən təklif olunduğu kimi, fondun potensial tərəfdaşları AAF-in agent-bankları olacaqlar", - Franke bildirib.
"Birinci mərhələdə biz bankların siyahısını məhdudlaşdırdıq, ancaq son söz təbii ki, kreditlər üzrə riskləri böləcəyimiz xarici sərmayədarlara aiddir", - AAF-in meneceri qeyd edib.
AAF-in tərəfdaş bankları qismində çıxış edirlər: Bank of Baku, Bank Respublika, UniBank, Parabank, Azərdəmiryolbank, AGBank, Rabitəbank, MuğanBank və Nikoil Bank.
"Hazırda biz beynəlxalq sərmayədarın cəlb edilməsi mərhələsindəyik, ancaq dünya maliyyə böhranının təzyiqi altında bu istiqamətdə aktivlik müşahidə olunmur, ona görə də ilk pullar hələ ki KFT-dən çıxmayıb", - AAF-in meneceri bildirib.
Fond beynəlxalq bazarlarda Azərbaycan bankları tərəfindən cəlb edilən kreditlərə AAA+ reytinqinə malik KfW kreditləşdirmə şərtləri ilə təminat verəcək.
Almaniya bankının reytinqini nəzərə alaraq, KTF tərəfindən nə qədər çox təminat verilərsə, bir o qədər xarici borc cəlb etmək olar.
Ancaq dünya maliyyə böhranı inkişaf etməkdə olan bazarları ehtiyatla kreditləşdirən xarici bankların kredit resursları qiymətinin bahalaşmasına təsir edib. Bu səbəbdən də yerli banklar ötən ilin avqustundan etibarən kreditləşdirmə həcmini azaldıb, bəziləri isə ümumiyyətlə dayandırıb. Franke qeyd edib ki, ancaq bu gün bankların nə kreditləşdirmə, nə də likvidliklə problemi yoxdur.
KfW KTF-in yaradılması üçün Azərbaycana dörd milyon avro təqdim edib ki, bundan da 3,75 milyon avro fondun yaradılmasına təminat, 0,25 milyon avro isə məsləhətçinin xidmətlərinin ödənilməsinə yönəldiləcək. 2008-ci ilin avqustunda KfW Azərbaycan İqtisadi İnkişaf Nazirliyi ilə Almaniyanın Beynəlxalq Əməkdaşlıq üzrə Əmanət Kassaları Fondunun (SBFİC) məsləhətçisinin menecer qismində işə başlaması haqqında müqavilə imzalayıb.
Fond KfW-nin mənzil-qərargahında hesabat hesabı qismində fəaliyyət göstərir. Azərbaycan bankları müraciət etdikcə məsləhətçi onları yoxlayacaq və KfW qarşısında təminat alınması üzrə çıxış edəcək.
İlkin mərhələdə fondun həcmi 2,3 milyon avro təşkil edəcək. KTF-in bank tərəfindən kredit xəttinin cəlbi üzrə limiti yoxdur, ancaq ilkin mərhələdə təminatın həcmi 500 min avronu ötməyəcək. KfW təminatlarının cəlbi zamanı banklar bir borc alana 150 min avrodan artıq borc verə bilməyəcək.
Məqalə müəllifi ilə əlaqə ünvanı: [email protected]