Azərbaycan, Bakı, 02 oktyabr / Trend , müxbir Ü.İsmayılova/
Azərbaycan Kənd Təsərrüfatı Nazirliyinin heyvandarlıq şöbəsinin müdiri Çingiz Fərəcov cümə günü bildirib ki, bir qrup baytar vəzifəsindən azad edilib. Belə ki, onların məsuliyyətsizliyi ucbatından ölkədaxili heyvandarlığın inkişaf etdirilməsi üçün alınmış bir neçə cins mal-qara tələf olub.
O deyib ki, bu baytarlar işlərinə məsuliyyətsiz yanaşdıqları üçün işdən azad olunublar. Belə ki, onlar həmin xəstə heyvanları sağalda bilərdilər.
Onun sözlərinə görə, bu günədək ölkəyə 770 baş cins heyvan gətirilib ki, onların da sayı 1,5 minə çatdırılıb. Heyvanlar lizinq yolu ilə 3 il müddətinə fermerlərə verilir və onun qiymətinin 50 faizini dövlət ödəyir.
Məqalə müəllifi ilə əlaqə ünvanı: [email protected]