...

Almaniya sahibkarları Azərbaycanın aqrar sektoruna sərmayə yatırmaqda maraqlıdırlar – nazir müavini

Biznes və iqtisadiyyat xəbərləri Materials 5 Oktyabr 2009 13:54 (UTC +04:00)

Azərbaycan, Bakı, 05 oktyabr / Trend , müxbir Ü.İsmayılova/

Azərbaycan və Almaniya arasında aqrar əmtəə dövriyyəsi 2001-ci ildən 2008-ilə kimi 10,3 milyon avrodan 89 milyon avroya kimi artıb, bu barədə bazar ertəsi Almaniya-Azərbaycan aqrar biznes forumu çərçivəsində Almaniyanın ərzaq, kənd təsərrüfatı və istehlakçı hüquqlarının müdafiəsi Nazirliyinin şöbə müdiri Ditrix Quth (Dietrich Guth) bildirib.

"Azərbaycandan Almaniyaya əsasən meyvə, tərəvəz və kürü ixrac olunur", - Quth bildirib.

Onun sözlərinə əsasən, Almaniyadan Azərbaycana süd və süd məhsulları, ət və ət məhsulları idxal edilir. Son illər Azərbaycana həmçinin kənd təsərrüfatı texnikası tədrük edilir. Bu texnika ölkənin aqrar sektorunda səmərəli məhsul yığımını təmin etməyə, həmçinin kəd təsərrüfatı məhsullarının emalına yardım edir.

Quth həmçinin qeyd edib ki, bu gün keçirilən biznes-forum çərçivəsində cins mal-qaranın ixrac edilməsi, soyuducu kameraların inşası və s. ilə məşğul olan alman sahibkarları iştirak edir.

"Bütün sahibkarlar Azərbaycanın aqrar sektoruna investisiya yatırmaqda maraqlıdırlar", - Quth qeyd edib.

"Azərbaycan və Almaniya arasında aqrar əməkdaşlığın inkişafı üçün yaxşı potensial mövcuddur", - bu barədə biznes-forum çərçivəsində Azərbaycanın kənd təsərrüfatı nazirinin müavini Bəhram Əliyev bildirib.

"Bu məqsədlə hər iki ölkənin sahibkarları bu gün tanışlıq görüşləri keçirir", - nazir müavini bildirib.

Bu gün Bakıda Almaniya-Azərbaycan aqrar biznes-forumu keçirilir. Forumda Azərbaycan tərəfindən kənd təsərüfatı sahəsi ilə məşğul olan təxminən 100 sahibkar, Almaniyadan isə 22 sahibkar iştirak edir.

Oktyabrın 5-nə olan rəsmi məzənnə 0,8035 AZN/USD təşkil edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti