Azərbaycan, Bakı, 14 oktyabr / Trend , müxbir Ü.İsmayılova/
Azərgarant Sığorta Şirkəti ilin sonuna kimi haqların həcminin 50 faiz azalmasını ehtimal edir, bu barədə çərşənbə günü şirkətin İdarə Heyətinin sədr müavini Şükür Hüseynov bildirib.
"2008-ci ildə fəaliyyət yekunlarına əsasən, şirkət bir milyon manatdan çox haqq toplayıb, cari ilin sonuna kimi şirkətin yığımları təxminən 0,5 milyon manat təşkil edəcək", - Hüseynov bildirib.
Onun sözlərinə əsasən, şirkətin yığımları Azərbaycan bazarında olan vəziyyətlə əlaqədar olaraq azalacaq.
Hüseynovun sözlərinə əsasən, haqların artırılması məqsədilə Azergarant agentlər cəlb etməyə başlayıb, şirkətin portfelinin artımı da agent müqavilələri hesabına planlaşdırılır.
"Azergarant 24 növ sığorta xidmətinin göstərilməsi üzrə lisenziyaya sahibdir, onların üçü icbaridir, lakin yeddi-səkkiz növ üzrə xidmət göstərilir", - Şükürov bildirib. Onun sözlərinə əsasən, fəaliyyət göstərməyən sığorta növlərinin inkişafı da şirkətin prioritet məsələlərindən biridir. "İlk növbədə biz gəmi sığortası, yük sığortası və digər növləri inkişaf etdirmək niyyətindəyik", - Hüseynov bildirib.
Azergarant sığorta şirkəti Azərbaycan bazarında 1993-cü ildən fəaliyyət göstərir. Şirkətin nizamnamə kapitalı 1,7 milyon manat təşkil edir.
2008-ci ilin fəaliyyət yekununa əsasən, şirkət 1,06 milyon manat həcmində haqq toplayıb, ödənişləri 0,13 milyon manat təşkil edib. Şirkətin yığımları 2009-cu ilin yanvar-avqust aylarında 0, 36 milyon manat, ödənişləri isə 0,07 milyon manat təşkil edib.
Məqalə müəllifi ilə əlaqə ünvanı: [email protected]
