Azərbaycan, Bakı, 15 oktyabr / Trend , müxbir Ü.İsmayılova/
Bakı Rieltorları Assosiasiyası ölkə regionlarında rieltor fəliyyətini inkişaf etdirmək niyyətindədir, Assosiasiyanın prezidenti Vəfadar Axundov cümə axşamı deyib.
"Ölkənin daşınmaz əmlak bazarında bu fəliyyətin inkişafına böyük tələbat var", - Axundov deyib.
Onun sözlərinə görə, Azıərbaycanın regionlarında bir neçə fiziki şəxs 5 min manatlıq cüzi məbləğlə rieltor fəaliyyətinə başlamağı planlaşdırır. Bu da onu göstərir ki, bu şəxslər keyfiyyətli rieltor xidmətləri göstərilməsi barədə anlayışa malik deyillər.
Axundovun sözlərinə görə, Assosiasiya regional rieltorları ölkənin daşınmaz əmlak bazarı üzrə statistik məlumatların verilməsi məqsədilə Assosiasiya üzvlüyünə cəlb etmək niyyətindədir.
BRA-nın təsisçiləri "MBA Group" şirkəti, "New Europe" və "Baki Emlak" rieltor şirkətləridir. 2008-ci ilin oktyabrında Assosiasiya Azərbaycan Ədliyyə Nazirliyində qeydiyyatdan keçib.
Assosiasiyanın əsas məqsədləri Azərbaycanda rieltor fəaliyyətinin standartlarının müəyyənləşdirilməsi, xüsusi peşəkar hazırlıq mərkəzinin yaradılması, həmçinin rieltorların sertifikasiya sisteminin tətbiqidir.
Məqalə müəllifi ilə əlaqə ünvanı: [email protected]