Azərbaycan, Bakı, 28 oktyabr / Trend , müxbir N.İsmayılova/
Asiya İnkişaf Bankının (AİB) özəl sektor üzrə vəzifəli şəxsləri oktyabrın 28-də Azərbaycan, Monqolustan və Özbəkistana səfərlərini başa çatdırıblar. Bu səfərlər Mərkəzi Asiya üçün ticari maliyyələşdirməyə dəstək proqramının (TFFR) bir hissəsidir. Bankın Bakıdakı nümayəndəliyindən çərşənbə günü deyilib ki, bu gün Azərbaycan bankları üçün seminar keçirilib.
2006-2008-ci ilər ərzində TFFR çərçivəsində 4 Azərbaycan bankı ilə - Access Bank, AGBank, Bank of Baku və Bank Respublika ilə razılaşma imzalanıb. Ancaq hazırda Monqolustan və Özbəkistan bankları proqramda iştirak etmir.
AİB ticari-maliyyə proqramı çərçivəsində Azərbaycan bankları arasında iştirakçı əhatəsini genişləndirməyi və onu Monqolustan və Özbəkistanda da genişləndirməyi planlaşdırır. AİB Mərkəzi Asiya sərhədlərində Əfqanıstan, Tacikistan və Pakistan bankları ilə də razılaşma imzalayıb.
AİB 2004-cü ildə TFFR-in həyata keçirilməsinə başlayıb. Lakin ticari maliyyələşmənin dəstəyə ehtiyac duyduğunu görərək, cari ilin mart ayında onu indiki ölçüyə çatdırıb. Proqram 2013-cü ilin sonunadək ticari maliyyəyə 15 milyard dollarlıq dəstək göstərə bilər.
Asiya bankının proqnozuna görə, proqramda iştirak edəcək Asiya və beynəlxalq bankların sayı cari və 2010-cu il ərzində daha da artacaq.
Məqalə müəllifi ilə əlaqə ünvanı: [email protected]