Azərbaycan, Bakı, 2 noyabr/ Trend , müxbir Ü.İsmayılova/
Bakı Rieltorlar Assosiasiyası öz təsisçi heyətini genişləndirib. Belə ki, Assosiasiya Caspian Property Services qiymətləndirmə şirkətini öz sıralarına daxil edib, Assosiasiyanın icraçı direktoru Elnur Azadov bazar ertəsi bidirib.
"İndi Assosiasiyanın təsisçi heyətinə 4 şirkət - Caspian Property Services-dən əlavə, MBA Group konsaltinq şirkəti, New Europe və Baki Emlak rieltor şitkətləri daxildir", - Azadov deyib.
Onun sözlərinə görə, təsisçi heyətini genişləndirməklə yanaşı, Assosiasiya heyətə bazarın bütün aktiv iştirakçılarını cəlb etməyi, daşınmaz əmlak bazarında peşəkarlığın yaxşılaşdırılmasını və s. nəzərdə tutan yeni strateji inkişaf biznes-planı üzrə işləmək istədiyini bildirib.
Biznes-plan 18 aya hesablanıb.
Hazırda Assosiasiyanın 60 hüquqi və fiziki şəxsdən ibarət üzvü var. Hüquqi şəxslər üçün üzvlük haqqı 300 manat, fiziki şəxslər üçün isə 150 manat təşkil edir.
2008-ci ilin oktyabrında Assosiasiya Azərbaycan Ədliyyə Nazirliyində qeydiyyatdan keçib.
Assosiasiyanın əsas məqsədləri Azərbaycanda rieltor fəaliyyətinin standartlarının müəyyənləşdirilməsi, xüsusi peşəkar hazırlıq mərkəzinin yaradılması, həmçinin rieltorların sertifikasiya sisteminin tətbiqidir.
Məqalə müəllifi ilə əlaqə ünvanı: [email protected]