Azərbaycan, Bakı, 07 noyabr / Trend , müxbir Ü.İsmayılova/
Azərbaycanın Standartlaşdırma, Mertrologiya və Patent üzrə Dövlət Komitəsinin rəhbəri Ramiz Həsənov 9-12 noyabr tarixlərində Sankt-Peterburqda keçiriləcək Standartlaşdırma, Metrologiya və Sertifikatlaşdırma üzrə Dövlətlərarası Şuranın illik iclasında iştirak edəcək. Bu barədə Dövlət Komitəsindən şənbə günü yayılan məlumatda deyilir.
"İclasda texniki nizamlama, akkreditasiya, sertifikatlaşdırma və metrologiya sahəsində görülən işlərə dair məruzələr dinlənəcək. Yeni neft-qaz emalı üzrə texniki komitənin də məruzəsi təqdim ediləcək", - məlumatda deyilir.
İclasda, həmçinin 2010-cu ilə olan fəaliyyət planı və 2020-ci ilədək iş strategiyası üzrə konseptual sənəd müzakirə ediləcək.
Tədbir çərçivəsində Azərbaycandan da 4 istehsalat şirkətinin iştirak etdiyi malların və xidmətlərin keyfiyyəti üzrə beynəlxalq müsabiqənin yekunlarına dair qərarın qəbul ediləcəyi gözlənilir.
Məqalə müəllifi ilə əlaqə ünvanı: [email protected]
