Azərbaycan, Bakı, 18 noyabr/ Trend , müxbir Ü.İsmayılova/
Yanvar-oktyabr aylarında Azərbaycanda 2554,9 milyon manat həcmində inşaat işləri həyata keçirilib. Bu barədə çərşənbə günü Dövlət Statistika Komitəsindən məlumat verilib.
Tikinti işlərinin ümumi həcmindən 1715,1 milyon manatı (67,1%) ilkin işlər, yenidənqurma və genişləndirmə üzrə işlərin, 519,1 milyon manatı (20,3%) əsaslı təmirin, 112,2 milyon manatı (4,4%) cari təmirin, 208,5 milyon manatı isə (8,2%) digər işlərin payına düşür.
Bu dövr ərzində özəl tikinti şirlkətləri 1909,4 milyon manatlıq, dövlət tikinti şirkətləri isə 645,5 milyon manatlıq tikinti işləri həyata keçiriblər.
İnşaat sahəsindəki işçilərin orta aylıq əməkhaqqı yanvar-sentyabr aylarında 449,9 manat təşkil edib ki, bu da ötən ilin müvafiq dövrü ilə müqayisədə 11,4% çoxdur. Bu dövr ərzində iri və orta tikinti şirkətlərində fəaliyyət göstərən işçilərin orta aylıq əməkhaqqı 500,7 manat, dövlət tikinti şirkələrində isə 367 manat təşkil edir.
İnşaat sahələrinin hazırlanması sahəsindəki işçilərin əməkhaqları bu dövr ərzində 38,2%, binaların tikilməsi və quraşdırılması 11,5%, binalar üçün mühəndis avadanlığının qurulması 5,5% artıb.
Noyabrın 18-nə olan rəsmi məzənnə 0,8029 AZN/USD təşkil edir.
Məqalə müəllifi ilə əlaqə ünvanı: [email protected]
