Azərbaycan, Bakı, 18 noyabr / Trend , müxbir N.İsmayılova/
Azərbaycan bankı Azərnəqliyyat Bank ilin sonunadək nizamnamə kapitalını 10 milyon manat artırmağı planlaşdırır. Bu barədə bankın məlumatında deyilir.
"Bunun nəticəsində bankın nizamnamə kapitalı 25,034 milyon manata çatacaq", - məlumatda deyilir.
Azərnəqliyyat Bank 1989-cu ildə kommersiya bankı kimi təsis edilib, 2005-ci ildə isə bank Açıq Səhmdar Cəmiyyətə dəyişdirilib. Hazırda bankın Bakı və ölkə regionları üzrə 8 filialı fəaliyyət göstərir. 2009-cu ilin əvvəllərindən bank uğurlu danışıqlar aparıb və Avropanın ən iri banklarından biri olan Raiffeisen Zentralbank Osterreich AG ilə əməkdaşlıq etməyə başlayıb.
Noyabrın 18-nə olan rəsmi məzənnə 0,8029 AZN/USD təşkil edir.
Məqalə müəllifi ilə əlaqə ünvanı: [email protected]