Azərbaycan, Bakı, 04 dekabr/Trend capital, müxbir Ü.İsnmayılova/
Noyabr ayında Azərbaycanda istehlak qiymətlərinin indeksi 0,33%, o cümlədən Bakıda 0,22%, regionlarda isə 0,44% təşkil edib, "İqtisadi Araşdırmalar Mərkəzi" QHT-dən cümə günü yayılan məlumatda deyilir.
"Qeyri ərzaq mallarının qiyməti 0,01% azalıb, ərzaq malları və xidmətlərin qiymətləri müvafiq olaraq, 0,6% və 0,06% artıb", məlumatda deyilir.
Ərzaq mallarının qiymətlərin ən əhəmiyyətli artımı nar (46,33%), göyərti (18,71%) və üzümdə (13,5%) müşahidə edilib. Qeyri ərzaq malları arasında isə ən çox bahalaşma qızdırıcılarda müşahidə edilib.
Qiymətlərin ən əhəmiyyətli azalması yumurta (16,19%), duzda (4,38%), qeyri ərzaq mallarından isə linolium (4,52%) və sementdə (4,52%) müşahidə olunuib.
Təşkilatın ekspertlərinin fikrincə Azərbaycanda 11 ay ərzində 0,37%-lik deflyasiya müşahidə edilib. İstehlak səbətindəki ən əhəmiyyətli azalma qeyri ərzaq mallarında müşahidə edilib (3,28%).Ərzaq malları 2,64% ucuzlaşıb, xidmətlər isə 9,7% bahalaşıb.
İllik hesablamalarda noyabr ayında 1,4%-lik deflyasiya müşahidə edilib. O cümlədən ərzaq mallarındakı illik deflyasiya 5,03%, qeyri ərzaq mallarında 3,43% səviyyəsində müşahidə edilib. Xidmət sahəsində isə 9,84% bahalaşma müşahidə edilib.
Dekabr ayının 4-nə olan rəsmi məzənnə 0,8026 AZN/USD təşkil edir.
Məqalə müəllifi ilə əlaqə ünvanı: [email protected].