Azərbaycan, Bakı, 06 yanvar / Trend , müxbir N.İsmayılova/
Azərbaycan Mərkəzi Bankının (AMB) valyuta ehtiyatları noyabr ayı ərzində demək olar ki 90 milyon dollar, yaxud 1,7 faiz artaraq 5181,1 milyon dollar təşkil edib. Bu barədə AMB-nin məlumatında deyilir. Oktyabrın 30-da Bankın valyuta ehtiyatları 5092,9 milyon dollar olub.
İlin əvvəli ilə müqayisədə Mərkəzi Bankın valyuta ehtiyatının səviyyəsi 15,5 faiz azalıb. Yanvarın 1-də bu, 6137 milyon dollar təşkil edib.
Ötən ilin noyabr ayı ilə müqayisədə AMB-nin valyuta ehtiyatının səviyyəsi 3,1 faiz azalıb. 2008-ci il noyabrın 30-da bu göstərici 5348,6 milyon dollar səviyyəsində olub.
2009-cu il ərzində Azərbaycan Mərkəzi Bankının onun valyuta ehtiyatları sərəncamında olan idarələrdən təxminən 50 milyon dollar məbləğində gəlir gözləyir. Mərkəzi Bankın ilin birinci yarısındakı gəlirləri 23 milyon dollar təşkil edib.
Azərbaycan Respublikası Dövlət Neft Fondunun 15 milyard dollara çatan aktivləri hesaba alınmaqla, ölkənin strateji valyuta ehtiyatı artıq 20 milyard dolları keçir.
Məqalə müəllifi ilə əlaqə ünvanı: [email protected]
