Azərbaycan, Bakı, 07 yanvar / Trend , müxbir N.İsmayılova/
"Azərnəqliyyat Bank" ASC 2010-cu ilin birinci yarısında VISA İnternational beynəlxalq ödəmə sisteminin plastik kartlarının emissiyasına başlayacaq", - bu barədə cümə axşamı bankdan məlumat verilib.
Həmçinin keçən ilin yekunları üzrə bank gözlənilən 20 min ədədə qarşı 16800 ədəd lokal plastik kartlar buraxıb.
Bank keçən il 20 yeni bankomat quraşdırıb. Həmçinin Sumqayıt, Gəncə, Şirvan, Xaçmaz və Mingəçevirdə 5 yeni filial açılıb.
Bank Visa Electron, Visa Classic, Visa Gold, Visa Platinum və Visa Business plastic kartlarının emissiyasına başlamağı planlaşdırır.
Bank keçən ilin avqust ayında VISA İnternational-ın tam hüquqlu üzvü olub. Hazırda bank sertifikatlaşdırma prosesindədir. Bank çip kartlar buraxdığı üçün sertifikatlaşdırma prosesi uzanacaq.
Hazırda Milli Kart prossesinq mərkəzinin üzvü olan bank lokal plastik kartlar buraxır.
"Azərnəqliyyat Bank" 1989-cu ildə kommersiya bankı kimi təsis edilib, 2005-ci ildə isə açıq səhmdar cəmiyyət kimi dəyişdirilib.
