Azərbaycan, Bakı, 05 fevral / Trend , müxbir N.İsmayılova/
"Doing Business 2011"-in növbəti icmalının hazırlanması üzrə missiya fevralın sonu, martın əvvəlində Azərbaycana səfər edəcək. Bunu biznes mühitinin təkmilləşdirilməsi üzrə IFC layihəsinin rəhbəri Boris Divyak deyib.
"Missiyanın əsas diqqəti keçən hesabatda daha az qiymət alan istiqamətlərə cəmlənəcək. Buraya transsərhəd ticarəti, fəaliyyətə verilən icazələr daxildir", - Divyak deyib.
Məsləhətləşmələrə Beynəlxalq Maliyyə Korporasiyasının və digər təşkilatların ekspertləri cəlb ediləcək.
Dünya Bankı və Beynəlaxalq Maliyyə Korporasiyasının "Doing Business 2010: İslahatları necə aparmalı" adlı birgə hesabatının nəticələrinə əsasən, Azərbaycan sahibkarlıq fəaliyyəti üçün səmərəli şəraitin yaradılması reytinqində 38-ci yeri tutub.