Gürcüstan, Tbilisi, 10 mart / Trend , müxbir N.Kirsxaliya/
"Gürcüpatent" Milli intellektual qabiliyyət Mərkəzi Gürcüstan və Avropa İttifaqı arasındakı kənd təsərrüfatı və digər məhsulların mənbəsinin coğrafi göstəricilərinin qorunub saxlanması barədə razılaşmanın rəsmiləşdirilməsi üçün şərtlərin hazırlanması üzərində işləyir.
"Gürcüpatent"in direktoru İrakli Qvaladzenin çərşənbə günü brifinqdə dediyi kimi, müəyyən edilmiş iki ay ərzində bütün maraqlanan şəxslərin hökumətin qərarı əsasında yaradılmış xüsusi komissiyaya təkliflər təqdim etməsi üçün şəraitin yaradılması məqsədi ilə ictimaiyyətin məlumatlandırılması üzrə bu razılaşmanın layihəsi çərçivəsində kənd təsərrüfatı və digər məhsulların coğrafi göstəricilərinin siyahısı qabaqcadan elan ediləcək.
İkitərəfli razılaşma nəticəsində Gürcüstanda müdafiə olunan coğrafi göstəricilər, "Xvançkara", "Kindzmarauli" və digər məhsullar Avropa İttifaqı ölkələrində, Avropa İttifaqı ölkələrində müdafiə olunan kənd təsərrüfatı və digər məhsullar isə Gürcüstanda müdafiə olunacaq.
