Azərbaycan, Bakı, 6 aprel /Trend, müxbir N.İsmayılova/
Martın 1-də Azərbaycan iqtisadiyyatının kreditləşməsi üzrə orta dərəcə milli valyuta ilə 15,84 faiz təşkil edib. Bu göstərici fevralın 1-də 13,97 faiz, 2009-cu il martın 1-də isə 17,37 faiz təşkil edib. Bu barədə Azərbaycan Mərkəzi Bankının (AMB) məlumatında deyilir.
Sərbəst dönərli valyutada (SDV) bank kreditləri üzrə orta dərəcə müvafiq olaraq 15,50 faiz və 16,81 faizə nsbətdə 17 faiz təşkil edib.
Martın əvvəlində hüquqi şəxslərin bank kreditləşməsi üzrə orta dərəcə milli valyuta ilə 13,88 faiz təşkil edib. Fevralın 1-də bu göstərici 11,51 faiz, 2009-cu il martın 1-də isə 14,70 faiz təşkil edib. SDV-də korporativ müştərilərin bank kreditləşməsi üzrə orta dərəcə 14,45 faiz olub. Fevralın 1-də bu göstərici 12,57 faiz, 2009-cu il martın 1-də isə 15,31 faiz təşkil edib.
Hesabat dövrü ərzində fiziki şəxslərin bank kreditləşməsi üzrə orta dərəcə milli valyuta ilə 20,75 faiz təşkil edib. Fevralın 1-də bu göstərici 20,39 faiz, 2009-cu il martın 1-də isə 21,66 faiz təşkil edib. SDV-də fərdi müştərilərin bank kreditləşməsi üzrə orta dərəcə 23,32 faiz olub. Fevralın 1-də bu göstərici 22,56 faiz, 2009-cu il martın 1-də isə 20,33 faiz təşkil edib.
