...

Azərbaycanın Maliyyə Nazirliyi QHT-ləri maliyyə hesabatlarının vaxtlı-vaxtında təqdim olunması ilə bağlı xəbərdar edir

Biznes və iqtisadiyyat xəbərləri Materials 13 Aprel 2010 18:56 (UTC +04:00)

Azərbaycan, Bakı, 13 mart /Trend, müxbir Ü.İsmayılova/

Azərbaycanda bütün qeyri-hökumət təşkilatları (QHT) "Mühasibat uçotu haqqında" qanuna əsasən Milli Mühasibat Uçotu Standartına uyğun olaraq maliyyə hesabatlarını tərtib etməlidir. Bu barədə Azərbaycan Maliyyə Nazirliyinin çərşənbə axşamı yayılan məlumatında deyilir.

Azərbaycan Nazirlər Kabinetinin 201 nömrəli 25 dekabr 2009-cu il tarixli qərarı ilə təsdiq edilmiş "Qeyri-hökumət təşkilatinin illik maliyyə hesabatının forması, məzmunu və təqdim edilməsi qaydası"nın 5.1-ci bəndinə əsasən, qeyri-hökumət təşkilatları üzrə illik maliyyə hesabatları hesabat dövrü başa çatdıqdan sonra növbəti ilin aprel ayının 1-dən gec olmayaraq Azərbaycan Respublikası Maliyyə Nazirliyinə təqdim edilməlidir.

Maliyyə Nazirliyi tələb olunan qaydada maliyyə hesabatlarını təqdim etməyən qeyri-hökumət təşkilatlarına xəbərdarlıq edir və bildirir ki, müvafiq hesabat 30 gün müddətində - 13 may 2010-cu il tarixədək təqdim edilməlidir.

13 may 2010-cu il tarixədək maliyyə hesabatlarını təqdim etməyən qeyri-hökumət təşkilatları qanunvericiliklə müəyyən olunmuş qaydada cəriməyə cəlb olunacaq.

Xəbər lenti

Xəbər lenti