...

Azərbaycanda böyük mehmanxana obyekti qeydiyyatdan keçib

Biznes və iqtisadiyyat xəbərləri Materials 6 May 2010 12:43 (UTC +04:00)
Azərbaycanda iri mehmanxana obyekti - BREEZE HOTEL MMC qeydiyyatdan keçib. Bu barədə Vergilər Nazirliyinin rəsmi saytının "bir pəncərə" bölməsindən məlumat verilib. Mehmanxananın nizamnamə kapitalı 177 400 manatdır. Mehmanxananın nümayəndəsi Yusif Quliyev, təsisçiləri "Krokus Bakı" və Elnur Məlikzadədir.

Trend-i buradan izləyin

Azərbaycanda iri mehmanxana obyekti qeydiyyatdan keçib

Azərbaycan, Bakı, 6 may /Trend, müxbir Ü.İsmayılova /

Azərbaycanda iri mehmanxana obyekti - BREEZE HOTEL MMC qeydiyyatdan keçib. Bu barədə Vergilər Nazirliyinin rəsmi saytının "bir pəncərə" bölməsindən məlumat verilib. Mehmanxananın nizamnamə kapitalı 177 400 manatdır. Mehmanxananın nümayəndəsi Yusif Quliyev, təsisçiləri "Krokus Bakı" və Elnur Məlikzadədir.

Azərbaycanın mədəniyyət və turizm Naziri Əbülfəs Qarayevin bir az əvvəl dediyi kimi, 2010-2014-cü illərdə Azərbaycanda turizmin inkişafı üzrə Dövlət Proqramının həyata keçirilməsi çərçivəsində ölkədə turizm sahəsi üzrə böyük potensialın mövcudluğu nəzərə alınmaqla vacib işlərin görülməsi planlaşdırılır. Prezident İlham Əliyev 6 aprel  2010-2014-cü illərdə respublikada turizmin inkişafı üzrə Dövlət Proqramının təsdiqlənməsi barədə sərəncam imzalayıb.

"Azərbaycanda hər il 25-dən 50-dək mehmanxana inşa edilir. Bu gün 50 mehmanxananın tikintisi davam etdirilir. Azərbaycanda turistlərin yerləşdirilməsi üzrə göstərici 3 dəfə artıb", - nazir deyib.

Bu gün ölkədə mehmanxana biznesinin həyata keçirilməsi üçün 300-ə yaxın lisenziya verilib, daha 20 analoji müraciətə baxılır. Bundan əvvəl 50 müraciət tələblərə cavab vermədiyi üçün ləğv edilib.

"Azərbaycanda mehmanxanaların, həm yerli, həm də dünyada məşhur olan mehmanxana şəbəkələrinin sayının artması Azərbaycan bazarının cəlbediciliyinin göstəricisidir", - nazir deyib.

Xəbər lenti

Xəbər lenti