Аzərbaycan, Bakı, 21 may /Trend/
Azərbaycanın Nəqliyyat Nazirliyi respublika regionlarında Kür çayında baş verən daşqınların nəticələrini aradan qaldırmağa cəlb edilmiş texnika və işçilərin sayını artırıb, - nazirlikdən verilən məlumatda belə deyilir.
Hal-hazırda Hacıqabu l -Qaratəpə - Bəhramtəpə yolu üzərində Şirvan və Sabirabad şəhərləri arasında asfalt-beton döşəmənin təmiri üzrə işlər aparılır.Yolun 22-ci kilometrliyinə qədər ərazidə işlər başa çatıb. 22-50-ci kilometrlikdə yerləşən sahələrdə isə işlər davam etdirilir.
Həmçinin, Sabirabad - Padar yolunun asfalt-beton döşəmənin tikintisi davam etdirilir.
"Azəryolservis" ASC (yolun inşası və istismarı) respublikanın Zərdab rayonunda Kür çayının sol sahilinin 45-ci kilometrliyinə yaxın ərazidə torpaq bənd tikəcək.
Bəndin tikintisinə 12 özüboşaldan maşın, ekskavator, iki qreyder, üç buldozer və 52 insan cəlb olunub.
Araz və Kür çaylarının daşması nəticəsində dağılmış yolların təmiri və bəndlərin möhkəmlənməsi üçün bütövlükdə 486 işçi, 207 ədəd avtomobil, 39 ədəd yol texnikası cəlb edilib.
Daşqınlardan zərər çəkmiş ərazilərdə yaşayan əhalinin daşınmasında təhlükəsizliyi təmin etmək üçün nazirlik 45-ə yaxın avtobusu istismara verib. Bu avtobuslar Bakıdan və "Azərnəqliyyatservis" ASC-dən göndərilib. Lazım gələrsə, avtobusların sayı 60-a çatdırılacaq.
