Azərbaycan, Bakı, 25 iyun /Trend, müxbir Ü.Sadıqova/
Trend-in Fars redaksiyasının Bakıda olan Mərakeşin İqtisadiyyat və Maliyyə Nazirliyinin baş katibi Əbdüllətif Lüdyi (Abdelatif Loudyi) ilə müsahibəsi
- Siz ölkənizin Azərbaycandakı sərmayələrinin inkişaf perspektivlərini necə qiymətləndirirsiniz?
- Ölkələrimiz arasında əməkdaşlıq üçün perspektivlər yaxşıdır. Mərakeşin xidmət sektoru və sənaye sahəsində böyük təcrübəsi var. Ölkəniz enerji sektorunda nəhəng təcrübəyə malikdir. Ona görə də biz təcrübə mübadiləsi apara bilərik. Azərbaycanda və Mərakeşdə özəl sektor çox perspektivlidir. Azərbaycan energetika sahəsində öz təcrübəsini bölüşə, Mərakeş isə Azərbaycanda turizm, xidmətlər sahəsinin inkişafına kömək edə bilər.
Hökumət gələcəkdə ölkənizə sərmayə axınlarını stimullaşdıracaq sazişlərin, eləcə də ikiqat vergitutmadan yayınmaq üzrə sazişin imzalanması üçün bu əməkdaşlıq üzərində işləməlidir. Sərmayələr və ikiqat vergitutmadan yayınmaq üzrə sazişlər artıq hazırdır. İmzalanma nazirlərin iş qrafikindən, eləcə də birgə komissiyaların yaradılması məsələsindən asılıdır.
- Azərbaycan iqtisadiyyatının hansı sektorları ölkənizin biznesmenləri üçün daha cəlbedicidir?
- Bizi Azərbaycanda qida sənayaesi, turizm cəlb edir; sizin bu sektorda nəhəng potensialınız var. Ölkələrimiz arasında əməkdaşlıq üçün bir çox başqa sahələr də mövcuddur.
- Dünya maliyyə-iqtisadi böhranı sizin ölkənizin iqtisadiyyatına nə dərəcədə ciddi təsir göstərib?
- Mərakeşin mikroiqtisadiyyatında bir sıra xırda problemləri var; kiçik inflyasiya da müşahidə olunur. Bununla yanaşı, ötən illərlə müqayisədə Mərakeşdə ÜDM-də 5-5,5 faiz artım müşahidə olunur.
