Azərbaycan, Bakı, 12 iyul /Trend, müxbir İ.Xəlilova/
İslam İnkişaf Bankı (İİB) Mingəçevir Su-Elektrik Stansiyasının yenidən qurulmasının II mərhələsi və 330 kilovoltluq gücə malik "Xaçmaz" yeni yarımstansiyasının tikilməsi üzrə enerji layihələrinin həyata keçirilməsinin icmalına başlayıb. Bu barədə bazar ertəsi ölkə hökumətindən bildiriblər. Bu məqsədlə iyulun 17-dək İİB-nin missiyası Bakıda olacaq.
"Bu səfər işgüzar xarakter daşıyır, belə ki, missiya bankın maliyyələşdirdiyi enerji layihələrinin həyata keçirilməsi ilə bağlı irəliləyişlə tanış olmaq niyyətindədir", - mənbə deyib.
Xaçmaz yarımstansiyasının tikintisinin həyata keçirilməsi artıq başa çatıb və o, Azərbaycan ilə Rusiya arasında enerji mübadiləsinin genişləndirilməsi üçün nəzərdə tutulub. Hazırda yarımstansiya iş rejimində işləyir. Layihənin başa çatması ilə əlaqədar məsləhətçi yekun hesabatı hazırlamalıdır və bu da İİB-in missiyasının müzakrə predmeti olacaq.
"Xaçmaz" yarımstansiyası enerji sisteminin manevrliliyinin artırılması baxımından böyük əhəmiyyət kəsb edir. O, Rusiya ilə elektrik enerjisi mübadiləsinin aparıldığı Yaşma-Dərbənd elektrik ötürücü xətdən qidalanacaq. İndiyədək belə stansiyanın olmaması səbəbindən, Azərbaycan tərəfi Yaşmada Rusiyadan elektrik enerjisi alan zaman onu sərhədə - şimal rayonlarını elektrik enerjisi ilə təmin etmək üçün geriyə göndərməyə məcbur olurdu.
Stansiya ölkənin şimalında yaşayan 500 nəfərə xidmət üçün nəzərdə tutulub.
Xaçmaz rayonunda 330/110 kilovoltluq gücə malik yarımstansiyanın tikintisi Çinin CNEEC şirkəti tərəfindən həyata keçirilir. İİB layihənin reallaşdırılmasına illik 6 faiz dərəcə ilə 12 il müddətinə $13,508 mln kredit ayırıb.
105 milyon dollar dəyərə malik Mingəçevir Su-Elektrik Stansiyasının yenidən qurulması layihəsinin ikinci mərhələsi üzrə tikinti işləri hələ ki başlanmayıb və məsləhətçi hazırlıq işlərini davam etdirir.
"Bankın missiyası layihənin məsləhətçisi ilə SES-in yenidənqurulması üzrə işlərin başlanma müddətini müzakirə etməyi planlaşdırıb", - hökumətdən qeyd ediblər.
1980-ci ildə tikilən Mingəçevir SES Azərbaycanda ən iri su-elektrik stansiyasıdır. Onun hər biri 330 meqavat gücə malik 8 enerji bloku var, lakin avadanlığın köhnəlməsi layihə gücünü artırmağa imkan vermir.
İİB Direktorlar Şurası hələ 2007-ci ilin yanvarında bu layihənin maliyyələşdirilməsinə 80 milyon məbləğində kreditin verilməsini təsdiqləyib. Layihə üzrə qalan xərclər (25 milyon dollar) Azərbaycan hökumətinin üzərinə düşüb. İİB razılaşma layihəsi üzrə krediti, üç il güzəştli dövr olmaqla, 15 il müddətinə və 5,95 faizlik faiz dərəcəsi ilə verir. Pul vəsaitləri "lizinq" mexanizmi üzrə veriləcək.
