Azərbaycan, Bakı, 16 iyul /Trend, müxbir Ü.İsmayılova/
İlin birinci yarısında Azərbaycanda tikinti materiallarının istehsalı ilə məşğul olan şirkətlər ümumi məbləği 162,4 milyon manat həcmində mal istehsal ediblər. Bu barədə cümə günü Dövlət Statistika Komitəsindən məlumat verilib.
Məlumatda gösrətilir ki, yanvar-iyun aylarında cəmi 588,9 min ton sement, 16,1 min ton inşaat gipsi, 121,1 min kubmetr inşaat kərpici istehsal olunub.
Həmçinin, yanvar-iyunda 278,8 min ton asfalt, 18 min kubmetr betondan tikinti-quraşdırma konstruksiyaları, 372,7 min ton hazır beton qarışığı istehsal olunub.
