Azərbaycan, Bakı, 3 avqust /Trend, müxbir N.İsmayılova/
Azərbaycan bankı "Bank of Baku"nun balans gəliri ilin əvvəlindən 7,7 faiz artaraq, iyulun 1-nə 6,54 milyon manat təşkil edib. Bu barədə bankdan deyiblər. İyunun yekunlarına görə, bankın gəliri 22,7 milyon manat olub.
Bankın aktivləri ilin əvvəlindən 15,5 faiz artaraq, 216,42 milyon manat təşkil edib.
Bankın depozit portfeli hesabat dövründə 19,6 faiz artaraq, 166,9 milyon manat olub. Onlardan 98,3 milyon manatı fiziki şəxslərin əmanətləri, 93,9 milyon manatı isə təcili depozitlər olub.
Bankın kredit portfeli 17,5 faiz artaraq 165,7 milyon mant olub. İyulun 1-nə bankın kredit portfelində istehlak kreditlərinin payı 94,2 milyon manat, kommersiya payı isə 65,4 milyon manat təşkil edib.
Yanvarın 1-nə bankın ümumi kapitalı 33,1 milyon manat təşkil edib. Bankın ödənilmiş nizamnamə kapitalı 12,85 milyon manata bərabərdir.
Avqustun 3-nə rəsmi məzənnə 0,8034 AZN/USD təşkil edir.