Azərbaycan, Bakı, 3 sentyabr /Trend, müxbir N.İsmayılova/
Oktyabrın 8-10-da Vaşinqtonda Beynəlxalq Valyuta Fondunun (BVF) İdaredicilər Şurasının və Dünya Bankının (DB) qrupunun illik iclası keçiriləcək. Bu barədə BVF-nin rəsmi saytında dərc edilən məlumatda deyilir.
Adətən sentyabr-oktyabr aylarında keçirilən illik iclas ənənəvi olaraq Vaşinqtonda iki il ərzində ardıcıl, üçüncü il isə başqa üzv ölkədə keçirilir.
İlk iclas 1946-cı ildə ABŞ-ın Corciya ştatının Savanna şəhərində keçirilib. İlk illik görüş 1946-cı ildə Vaşinqtonda baş tutub.
2010-cu ildə illik yığıncaq Beynəlxalq valyuta-maliyyə komitəsi, İnkişaf komitəsi, Onluq qrupu, İyirmidördlük qrup, eləcə də üzv ölkələrin digər qruplarının iclasından əvvəl keçiriləcək.
İllik iclas plenar iclaslarla müşayiət olunur. Onların gedişində üzv ölkələrin idarəediciləri biznes məsələlərini müzakirə edirlər və bir-birləri ilə məsləhətləşirlər. İdarəedici şuranın illik iclaslarında cari beynəlxalq məsələlər nəzərdən keçiriləcək və müvafiq qərarlar qəbul ediləcək.
İllik iclaslar üzv ölkələrdən olan çoxlu vəzifəli şəxsləri toplayır. İclaslar böyük və kiçik, rəsmi və qeyri-rəsmi məsləhətləşmələrin keçirilməsi üçün imkanlar yaradır.
Valyuta Fondunda Azərbaycandan idarəedici maliyyə naziri Samir Şərifov, Dünuya Bankında isə Mərkəzi Bankın sədri Elman Rüstəmovdur.
Azərbaycan 1992-ci ildən DB-yə üzvdür. Bankla əməkdaşlıq dövründə respublikaya 47 layihənin maliyyələşdirilməsi üçün 2,5 milyard dollar məbləğində kreditin verilməsi təsdiqlənib. Yalnız 2008-ci ildə bank tərəfindən 13 layihənin maliyyələşdirilməsinə 1,251 milyard dollar yönəlib. Bunun nəticəsində dördillik strategiyanın büdcəsi üç il ərzində istifadə olunub. Sonrakı iki il (2009-10-cu illər) üçün DB bir milyard dollardan çox vəsaitin ayrılmasına hazır olduğunu bildirib. Bu vəsaitlər kommersiya şərtləri əsasında Beynəlxalq Yenidənqurma və İnkişaf bankının xətti ilə verilməli idi. Lakin bank indiyədək Azərbaycanı paralel olaraq güzəştli şərtlərlə maliyyələşdirməkdə davam edir.
Artıq beş il ərzində Azərbaycan hökuməti Valyuta Fondu ilə IV maddə çərçivəsində məsləhətləşmələr səviyyəsində əməkdaşlıq edir. Buna görə də proqram əsasında əməkdaşlığın perspektivlərinə səfərlər zamanı praktiki olaraq toxunulmur.
BVF-nin Azərbaycandakı daimi nümayəndəliyi 1993-cü ildən fəaliyyət göstərir. Lakin hökumətlə əməkdaşlıq 1992-ci ildə başlayıb. Lakin 2009-cu ilin yayında Fond ofisini saxlayaraq Azərbaycandakı nümayəndəliyini bağlamaq barədə qərar qəbul edib. Bu, Fondun kredit proqramlarını keçirmədiyi ölkələrdə xərclərinin azaldılması ilə əlaqədardır. Beynəlxalq təşkilat ölkəni maliyyələşdirməyə 1995-ci ildə başlayıb. Bu günədək BVF Azərbaycana altı proqram çərçivəsində kreditlər ayırıb. Azərbaycan 2013-cü ilədək əvvəllər Fondan götürdüyü borcları ödəyəcək. 2010-cu ildə Fonda kreditlər üzrə ödənişlər SDR 9,66 milyon əsas borc və SDR 0,18 milyon faizlər borcu daxil olmaqla, SDR 9,83 milyon təşkil edir.
