Azərbaycan, Bakı, 22 sentyabr /Trend /
Azərbaycan Nəqliyyat Nazirliyinin nümayəndələri 28 sentyabr -1 oktyabrda Cenevrədə BMT-nin Avropa iqtisadi komissiyasının avtomobil nəqliyyatı üzrə işçi qrupunun 105-ci sessiyası və beynəlxalq yükdaşımaları üzrə Konvensiyanın inzibati komitəsinin iclasında iştirak edəcəklər. Bu barədə çərşənbə günü nazirliyin saytında verilən məlumatda deyilir.
Məlumatda deyildiyi kimi, bu tədbirlər zamanı beynəlxalq yükdaşımalarında elektron taxoqrafların tətbiqi məsələsi, BMT-nin Avropa iqtisadi komissiyası ilə Beynəlxalq Avtomobil Nəqliyyatı İttifaqı arasında imzalanması planlaşdırılan saziş layihəsi, həmçinin, TİR konvensiyasına dəyişikliklərin daxil edilməsi haqqında İRU təkliflərinin müzakirəsi planlaşdırılır.